Emil hetja Verona gegn toppliðinu

Emil Hallfreðsson tryggði liði sínu, Hellas Verona, jafntefli á útivelli gegn toppliði Sassuolo í kvöld. Mikilvægt stig sem Emil tryggði liðinu.

Leonardo Pavoletti skoraði fyrsta mark leiksins fyrir Sassuolo eftir hálftíma leik. Þannig stóðu leikar allt þar til Emil jafnaði metin stundarfjórðungi fyrir leikslok.

Emil var sem fyrr á miðjunni hjá Verona í leiknum og spilaði allan leikinn.

Sassuolo er á toppi ítölsku B-deildarinnar með 73 stig en Verona er í öðru sæti með 64 stig.