Berlusconi minnir Balotelli á að haga sér vel

Silvio Berlusconi, forseti og eigandi AC Milan, er að vonum hæstánægður með byrjun Mario Balotelli hjá félaginu en framherjinn skorar í hverjum leik.

Berlusconi hefur þó áhyggjur af framherjanum óstýriláta og hefur minnt hann á að hafa báða fætur á jörðinni og haga sér eins og maður utan vallar.

"Vonandi heldur hann áfram að spila svona vel. Við erum mjög ánægðir með hann. Hann þarf samt að muna að vera til fyrirmyndar utan vallar," sagði Berlusconi um Balotelli sem er búinn að skora fjögur mörk í fyrstu þremur leikjum sínum fyrir félagið.

"Við munum halda áfram að hlúa að honum og veita honum þann stuðning sem við getum. Hann er þegar orðinn að goðsögn og nærvera hans stöðar bílaumferð í Mílanó."