Vinnur Valur tvöfalt í futsal á morgun?

Nú er ljóst hvaða félög leika til úrslita í Íslandsmótinu í innanhúsknattspyrnu, Futsal, á morgun en undanúrslitin voru leikin í Laugardalshöll í dag. Í kvennaflokki leika Valur og íBV til úrslita klukkan 12.15 og þar geta Vestmannaeyingar varið titil sinn. Í karlaflokki leika Valur og Víkingur Ólafsvík til úrslita klukkan 14.00. Þetta kom fram á heimasíðu KSÍ.

Valur lagði Álftanes í undanúrslitum kvenna með fimm mörkum gegn tveimur og Eyjastúlkur lögðu Snæfellsnes með sjö mörkum gegn tveimur.

Það var hörkuleikur hjá Val og ÍBV í undanúrslitum karla þar sem Valur hafði betur, 8-7. Í hinum undanúrslitaleiknum höfðu hinsvegar Víkingar frá Ólafsvík yfirburði gegn Þrótti/SR og lögðu þá 15-1.

Úrslitaleikirnir fara fram í Laugardalshöll á morgun en það er einnig hægt að sjá leikina á SportTV.