Eyðimerkurgöngu Tigers lauk loksins Henry Birgir Gunnarsson skrifar 27. mars 2012 06:00 Tiger Woods. Mynd/AP Eftir 923 daga eyðimerkurgöngu kom loksins að því um helgina að Tiger Woods vann golfmót. Það sem meira er þá vann hann mótið með yfirburðum og glans. Allt frá því glansímynd Tigers hrundi er upp komst um vafasama tilburði hans í einkalífinu hefur hvorki gengið né rekið hjá honum á golfvellinum. Ekki bara hefur honum gengið illa á vellinum heldur hefur hann verið mikið meiddur þess utan. Sigurinn á Bay Hill um helgina var sjöundi sigur kylfingsins á vellinum og líka 72. sigur hans á golfmóti. Biðin frá því í september árið 2009 var aftur á móti orðin ansi löng. „Þessi sigur var hrein unun," sagði brosmildur Tiger eftir mótið á sunnudag en þar sýndi hann gamalkunnuga takta ásamt því sem brosið var einnig komið aftur. „Þetta var virkilega erfitt. Aðstæður voru krefjandi og mikill vindur sem var síbreytilegur. Það var virkilega vel gert hjá þeim að ná flötunum hröðum og holustaðsetningarnar verða ekki mikið erfiðari." Leiðin aftur á toppinn hjá Tiger hefur verið grýtt og oftar en ekki hefur hann klikkað á ögurstundu. Því áttu menn ekki að venjast er Tiger hafði mikla yfirburði á andlega sviðinu og þessi andlegi styrkur á stóran þátt í því að Tiger hefur unnið 14 risamót. Margir efuðust um að hann hreinlega næði sér aftur á strik. Þó svo flest bendi til að Tiger sé kominn aftur í gamla formið mun hann sjálfur líklega ekki fagna of snemma. Hann þarf að ná aftur upp meiri stöðugleika áður en andstæðingar hans verða jafn hræddir við hann og þeir voru áður. „Það var frábært að vera með sæti í fremstu röð og fylgjast hugsanlega með besta kylfingi allra tíma gera það sem hann gerir best – að vinna golfmót," sagði Graeme McDowell auðmjúkur, en hann lék lokahringinn með Woods og átti ekkert í hann. Þessi sigur gefur Tiger heldur betur byr í seglin fyrir fyrsta stórmót ársins, Masters, sem haldið er um páskana. Þar fær Tiger gullið tækifæri til þess að sanna að hann sé raunverulega kominn aftur. Heimurinn mun vafalítið fylgjast spenntur með. Golf Mest lesið Sakaður um að öskra „Frjáls Palestína, ég vona að þið deyið“ Fótbolti Albert skoraði sigurmarkið eftir að De Gea varði tvær vítaspyrnur Fótbolti Gaf klárum boltastrák verðlaunin Fótbolti „Bara lygarar og svindlarar sem segja að hann sé vandamálið“ Enski boltinn Man United ekki byrjað verr síðan 1989 Enski boltinn Dásamar Albert og segir hann ráða hver taki vítin Fótbolti Körfuboltakvöld: Tilþrif 1. umferðar Körfubolti Sjáðu vandræðalegt vítaklúður Viðars Íslenski boltinn „Erum ennþá með þetta í okkar höndum“ Fótbolti Sjáðu atvikið: Reiður Rúnar sá rautt Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Eftir 923 daga eyðimerkurgöngu kom loksins að því um helgina að Tiger Woods vann golfmót. Það sem meira er þá vann hann mótið með yfirburðum og glans. Allt frá því glansímynd Tigers hrundi er upp komst um vafasama tilburði hans í einkalífinu hefur hvorki gengið né rekið hjá honum á golfvellinum. Ekki bara hefur honum gengið illa á vellinum heldur hefur hann verið mikið meiddur þess utan. Sigurinn á Bay Hill um helgina var sjöundi sigur kylfingsins á vellinum og líka 72. sigur hans á golfmóti. Biðin frá því í september árið 2009 var aftur á móti orðin ansi löng. „Þessi sigur var hrein unun," sagði brosmildur Tiger eftir mótið á sunnudag en þar sýndi hann gamalkunnuga takta ásamt því sem brosið var einnig komið aftur. „Þetta var virkilega erfitt. Aðstæður voru krefjandi og mikill vindur sem var síbreytilegur. Það var virkilega vel gert hjá þeim að ná flötunum hröðum og holustaðsetningarnar verða ekki mikið erfiðari." Leiðin aftur á toppinn hjá Tiger hefur verið grýtt og oftar en ekki hefur hann klikkað á ögurstundu. Því áttu menn ekki að venjast er Tiger hafði mikla yfirburði á andlega sviðinu og þessi andlegi styrkur á stóran þátt í því að Tiger hefur unnið 14 risamót. Margir efuðust um að hann hreinlega næði sér aftur á strik. Þó svo flest bendi til að Tiger sé kominn aftur í gamla formið mun hann sjálfur líklega ekki fagna of snemma. Hann þarf að ná aftur upp meiri stöðugleika áður en andstæðingar hans verða jafn hræddir við hann og þeir voru áður. „Það var frábært að vera með sæti í fremstu röð og fylgjast hugsanlega með besta kylfingi allra tíma gera það sem hann gerir best – að vinna golfmót," sagði Graeme McDowell auðmjúkur, en hann lék lokahringinn með Woods og átti ekkert í hann. Þessi sigur gefur Tiger heldur betur byr í seglin fyrir fyrsta stórmót ársins, Masters, sem haldið er um páskana. Þar fær Tiger gullið tækifæri til þess að sanna að hann sé raunverulega kominn aftur. Heimurinn mun vafalítið fylgjast spenntur með.
Golf Mest lesið Sakaður um að öskra „Frjáls Palestína, ég vona að þið deyið“ Fótbolti Albert skoraði sigurmarkið eftir að De Gea varði tvær vítaspyrnur Fótbolti Gaf klárum boltastrák verðlaunin Fótbolti „Bara lygarar og svindlarar sem segja að hann sé vandamálið“ Enski boltinn Man United ekki byrjað verr síðan 1989 Enski boltinn Dásamar Albert og segir hann ráða hver taki vítin Fótbolti Körfuboltakvöld: Tilþrif 1. umferðar Körfubolti Sjáðu vandræðalegt vítaklúður Viðars Íslenski boltinn „Erum ennþá með þetta í okkar höndum“ Fótbolti Sjáðu atvikið: Reiður Rúnar sá rautt Íslenski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira