Góðir dómar í Noregi

Íslenska myndin Eldfjall fær góða dóma í Noregi en Dagbladet gefur myndinni fjóra af sex mögulegum. Sömuleiðis er gagnrýnandi útvarpsstöðvarinnar P3 hrifinn af Rúnari Rúnarssyni leikstjóra myndarinnar og segir hann hafa einstakan hæfileika.

Gagnrýnandi P3 er hins vegar ekki jafn hrifinn af nýjustu mynd Baltasars Kormáks Contraband og er hún sögð gleymast fljótt. Gagnrýnandi tekur það hins vegar fram að Baltasar eigi heilmikið inni sem leikstjóri. Contraband fellur hins vegar vel í kramið hjá Bretum þar sem Telegraph gefur myndinni þrjár stjörnur af fimm mögulegum. - áp