Léttara líf er betra 21. febrúar 2012 11:00 Bára Magnúsdóttir er eigandi Dansræktar JSB í Lágmúla. mynd/gva "Stundum er sagt að feitlagið fólk sé glaða fólkið í samfélaginu, en það er sjaldnast raunin. Það er enginn hamingjusamur þegar aukafitan er orðin svo mikil að dagurinn verður beinlínis vondur; það er vont að reima á sig skóna, fötin passa ekki lengur, allt við líkamann er orðið út fyrir eðlilega ramma og löngunin til að hlaupa á Esju er víðs fjarri á sunnudagsmorgnum. Þá og í slíku ástandi er manneskjan einfaldlega ekki lengur hún sjálf," segir Bára Magnúsdóttir, framkvæmdastjóri Dansræktar JSB, spurð um lífsgæði þess að vera í hvaða holdum sem einstaklingurinn sjálfur kýs. Hún segir engum hollt að vera í yfirþyngd. „Það slítur líkamanum fyrr og fer mun verr með hann en þær aðgerðir sem þarf til að fá sjálfan sig til baka. Við þurfum alltaf að horfa á ofþyngd út frá heilbrigðissjónarmiði, því okkur er öllum jafn eiginlegt og áætlað að vera í réttu holdafari," útskýrir Bára og leggur til þá þumalputtareglu að draga metra frá hæð einstaklingsins. „Sé kona 170 sentimetra há er þægilegt fyrir hana að vera undir 70 kílóum. Kjörþyngd er hins vegar rangnefni og næsti bær við vandamál, því með henni er búið að reikna út hvað líkaminn þolir að verða horaður. Á hinn bóginn, ef vigtin sýnir meira en 70 kíló hjá 170 sentimetra hárri konu er sú sama komin í vond mál og ekki lengur í ástættanlegri þyngd heldur orðin of þung og þarf að grípa í taumana til að léttast." Bára stofnaði Jassballettskóla Báru í mars 1967 og ætlar að halda upp á 45 ára afmæli hans með hækkandi sól. "Vinsælasta námskeið JSB í áraraðir hefur verið lífsstílsnámskeiðið Frá toppi til táar, eða TT. Þar læra konur að láta lífsmunstrið passa við útlit sitt svo þær geti áfram farið út að borða og á kaffihús í súkkulaðiköku um leið og þær eru í toppformi og líta óaðfinnanlega út, en fyrst þarf að ná öllum aukakílóunum burt," útskýrir Bára sem hefur hjálpað hundruðum kvenna til að breyta um lífsstíl á TT-námskeiðunum. „Það ráða fáir við lífsstílsbreytingu án leiðsagnar eða hjálpar. Árangur á TT er mikill og varanlegur, en á einum vetri hafa konur náð að losa sig við allt að þrjátíu kíló. Vigtin fer strax niður á við fyrstu vikuna, en ef ekki hringjum við á lögregluna og finnum ástæðuna," segir Bára og skellir upp úr. Í Dansrækt JSB eru í boði fjölbreytt námskeið og opnir tímar frá morgni til kvölds. „Nú eru tímar í heitum sölum vinsælir og í boði heitt pilates, heit miðja, og heitar teygjur og slökun. Þá njóta mikilla vinsælda námskeið fyrir konur 60 ára og eldri," segir Bára og bætir við að á meðal þeirra kvenna hafi myndast einkar góður andi og mörg vinabönd. Sjálf kennir Bára mótun, sem hún segir íslenska útgáfu af pilates, ætlað konum sem vilja leggja sérstaka rækt við fallegan kropp. „Þá er námskeiðið Stutt og strangt okkar svar við einkaþjálfun sem við tókum af dagskrá eftir hrun. Á því þjónustum við fimm konur í hópi á tveggja vikna námskeiði, fimm sinnum í viku og kennum þeim að púla rétt í tækjasal," útskýrir Bára. -þlg Heilsa Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Veitingastaðurinn opinn en lónið opnar síðar Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Fleiri fréttir KLAK health býður sprotafyrirtæki í heilsutækni velkomin Hreinsun þakrenna fyrirbyggir skemmdir Norðlensk framleiðsla sem er að slá í gegn á Íslandi Viðskiptavinurinn alltaf í fókus Framtíð hljóðsins er lent á Íslandi Rúmgóður ferðafélagi með sportlegu yfirbragði Greiðsluáskorun BMW lækkar verð á nýjustu kynslóð sportjeppans X3 Plug-in Hybrid Gætum orðið fyrsta landið í heiminum til að snúa þróun offitu við Sjá meira
"Stundum er sagt að feitlagið fólk sé glaða fólkið í samfélaginu, en það er sjaldnast raunin. Það er enginn hamingjusamur þegar aukafitan er orðin svo mikil að dagurinn verður beinlínis vondur; það er vont að reima á sig skóna, fötin passa ekki lengur, allt við líkamann er orðið út fyrir eðlilega ramma og löngunin til að hlaupa á Esju er víðs fjarri á sunnudagsmorgnum. Þá og í slíku ástandi er manneskjan einfaldlega ekki lengur hún sjálf," segir Bára Magnúsdóttir, framkvæmdastjóri Dansræktar JSB, spurð um lífsgæði þess að vera í hvaða holdum sem einstaklingurinn sjálfur kýs. Hún segir engum hollt að vera í yfirþyngd. „Það slítur líkamanum fyrr og fer mun verr með hann en þær aðgerðir sem þarf til að fá sjálfan sig til baka. Við þurfum alltaf að horfa á ofþyngd út frá heilbrigðissjónarmiði, því okkur er öllum jafn eiginlegt og áætlað að vera í réttu holdafari," útskýrir Bára og leggur til þá þumalputtareglu að draga metra frá hæð einstaklingsins. „Sé kona 170 sentimetra há er þægilegt fyrir hana að vera undir 70 kílóum. Kjörþyngd er hins vegar rangnefni og næsti bær við vandamál, því með henni er búið að reikna út hvað líkaminn þolir að verða horaður. Á hinn bóginn, ef vigtin sýnir meira en 70 kíló hjá 170 sentimetra hárri konu er sú sama komin í vond mál og ekki lengur í ástættanlegri þyngd heldur orðin of þung og þarf að grípa í taumana til að léttast." Bára stofnaði Jassballettskóla Báru í mars 1967 og ætlar að halda upp á 45 ára afmæli hans með hækkandi sól. "Vinsælasta námskeið JSB í áraraðir hefur verið lífsstílsnámskeiðið Frá toppi til táar, eða TT. Þar læra konur að láta lífsmunstrið passa við útlit sitt svo þær geti áfram farið út að borða og á kaffihús í súkkulaðiköku um leið og þær eru í toppformi og líta óaðfinnanlega út, en fyrst þarf að ná öllum aukakílóunum burt," útskýrir Bára sem hefur hjálpað hundruðum kvenna til að breyta um lífsstíl á TT-námskeiðunum. „Það ráða fáir við lífsstílsbreytingu án leiðsagnar eða hjálpar. Árangur á TT er mikill og varanlegur, en á einum vetri hafa konur náð að losa sig við allt að þrjátíu kíló. Vigtin fer strax niður á við fyrstu vikuna, en ef ekki hringjum við á lögregluna og finnum ástæðuna," segir Bára og skellir upp úr. Í Dansrækt JSB eru í boði fjölbreytt námskeið og opnir tímar frá morgni til kvölds. „Nú eru tímar í heitum sölum vinsælir og í boði heitt pilates, heit miðja, og heitar teygjur og slökun. Þá njóta mikilla vinsælda námskeið fyrir konur 60 ára og eldri," segir Bára og bætir við að á meðal þeirra kvenna hafi myndast einkar góður andi og mörg vinabönd. Sjálf kennir Bára mótun, sem hún segir íslenska útgáfu af pilates, ætlað konum sem vilja leggja sérstaka rækt við fallegan kropp. „Þá er námskeiðið Stutt og strangt okkar svar við einkaþjálfun sem við tókum af dagskrá eftir hrun. Á því þjónustum við fimm konur í hópi á tveggja vikna námskeiði, fimm sinnum í viku og kennum þeim að púla rétt í tækjasal," útskýrir Bára. -þlg
Heilsa Mest lesið Omnom gjaldþrota og kröfuhafar uggandi Viðskipti innlent Steinhissa á MR og rifjar lúmskt upp sjónvarpsleysið á fimmtudögum Atvinnulíf Innbú Play til sölu: Gæti aflað búinu fjórtán milljóna króna Viðskipti innlent Skáluðu fyrir kraftinum sem knýr samfélagið Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Eva og Guðrún nýir forstöðumenn hjá Icelandair Viðskipti innlent ORA svarar fyrir fiskbúðinginn: „Stundum þarf bara pung í að gera breytingar“ Neytendur Veitingastaðurinn opinn en lónið opnar síðar Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Telur um dulda launahækkun skrifstofufólks að ræða Viðskipti innlent Fleiri fréttir KLAK health býður sprotafyrirtæki í heilsutækni velkomin Hreinsun þakrenna fyrirbyggir skemmdir Norðlensk framleiðsla sem er að slá í gegn á Íslandi Viðskiptavinurinn alltaf í fókus Framtíð hljóðsins er lent á Íslandi Rúmgóður ferðafélagi með sportlegu yfirbragði Greiðsluáskorun BMW lækkar verð á nýjustu kynslóð sportjeppans X3 Plug-in Hybrid Gætum orðið fyrsta landið í heiminum til að snúa þróun offitu við Sjá meira
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent