Leiðin að nýju og betra lífi

„Detox-meðferðin er alveg einstök og þeir eru ófáir einstaklingarnir sem ég hef fylgst með öðlast nýtt líf í gegnum hana. Þarna stíga margir nefnilega fyrstu skrefin og fá hvatningu og þekkingu til að halda áfram leiðina til heilsueflingar. Sjálf hef ég farið í þessa meðferð og það var í raun hún sem sparkaði mér almennilega af stað til breytingar á mínum lífsstíl," segir Jóhanna Vilhjálmsdóttir sem bregður sér í hlutverk fararstjóra á tveggja vikna detox-námskeiði á hótel Elf nálægt Gdansk í Póllandi um páskana. Námskeiðið hefst 31. mars.

Að sögn Jóhönnu verða þar í boði detox-námskeið og önnur námskeið sem henta eldra fólki eða þeim sem eru að jafna sig eftir veikindi.

„Fjölbreytni verður í fyrirrúmi og persónuleg ráðgjöf höfð að leiðarljósi," upplýsir hún og getur þess að á hótelinu sé flott spa-aðstaða, sundlaug, heitir pottar, gufuböð og klefi með infrarauðu ljósi. „Nudd og snyrtiþjónusta öll er á gjafverði og svo förum við í útsýnisferðir til Gdansk og í nágrenni hótelsins sem er í þjóðgarði við vatn á dásamlegum stað."

Jóhanna mun vinna náið með Dr. Agnesku Lemanzic lækni, sem margir Íslendingar ættu að þekkja frá meðferðum Jónínu Ben á sama hóteli.

„Við Jónína erum vinkonur og hún ætlar að munstra mig inn í þetta nýja hlutverk í Póllandi" segir Jóhanna brosandi og segist hlakka mikið til ferðarinnar, enda mikil áhugamanneskja um hvernig hægt sé að fyrirbyggja menningarsjúkóma.

„Mín ástríða snýst um að fræða fólk um hvað það getur raunverulega haft mikil áhrif á heilbrigði sitt og líðan," segir hún og nefnir sem dæmi að hún komi til með að halda fyrirlestra um áhrif mataræðis á krónískar bólgur í líkamanum.

„Ég mun fjalla um hvernig visst mataræði getur ýtt undir bólgur á meðan annað hjálpar okkur að vinna gegn þeim. En rannsóknir leiða æ betur í ljós að bólgur eru undirliggjandi þáttur í fjölda sjúkdóma," bendir hún á og bætir við að í boði verði fjöldi annarra fyrirlestra sem geti breytt lífi fólks til lengri tíma.

• 
  
  
• Bókið flug til Gdansk 31. mars og heim 14. og 15. apríl.
• 
  
  
• Rúta fer frá flugvellinum á hótelið í Gdansk kl. 20.00 um kvöldið. Þeim, sem að lenda á öðrum tíma, er bent á að hafa samband við Jóhönnu og hún lætur sækja þá.
• 
  
  
• Skráning og upplýsingar eru hjá johanna.vilhjalmsdottir@gmail.com eða í síma 899-1130.
• 
  
  
• Verð er 160.000 kr. Innfalið í því er: tvær vikur hótel, fullt fæði, einkaráðgjöf hjá lækni og sérfræðingi, hreyfing, kvöldvökur og skemmtidagskrá.
• 
  
  
• Iceland Express býður sértilboð til Kaupmannahafnar fyrir þá sem ætla á detox-námskeið í Póllandi.
• 
  
  
• Hægt er að bóka sig áfram til Póllands, til dæmis með SAS eða Wizz Air. Sjá sas.com og wizz.com.
•