City úr leik | Öll úrslit kvöldsins

Dortmund og Real Madrid tryggðu sig áfram upp úr dauðariðlinum svokallaða í Meistaradeild Evrópu í kvöld. Manchester City er því úr leik.

City þurfti á sigri að halda gegn Spánarmeisturum Real Madrid á heimavelli í kvöld en mátti sætta sig við 1-1 jafntefli.

Karim Benzema kom Real snemma yfir en Sergio Agüero jafnaði metin með marki úr vítaspyrnu í síðari hálfleik. Alvaro Arbeloa var dæmdur brotlegur í teignum og fékk sitt annað gula spjald fyrir.

Agüero komst nálægt því að tryggja City sigurinn en Iker Casillas verði vel frá honum. Spánverjarnir áttu þó mörg góð færi í leiknum og fengu sín tækifæri til að gera út um leikinn.

Dortmund vann á sama tíma öruggan 4-1 sigur á Ajax og tryggði sér þar með efsta sæti riðilsins. Real Madrid hafnar í öðru sæti en liðið er þremur stigum á eftir Dortmund og með lakari árangur í innbyrðisviðureignum liðanna.

Arsenal vann 2-0 sigur á Montpellier og tryggði þar með sæti sitt í 16-liða úrslitum. Jack Wilshere skoraði sitt fyrsta mark í langan tíma og Lukas Podolski innsiglaði sigurinn með glæsilegu skoti.

Í sama riðli vann Schalke sigur á Olympiakos, 1-0, og er einnig komið áfram.

Porto, PSG, Malaga og AC Milan eru einnig komin áfram úr sínum riðlum og því ráðið hvaða tvö lið fara áfram úr öllum riðlum kvöldsins.

Úrslitin:

A-riðill:

Porto - Dynamo Zagreb 3-0

Dynamo Kiev - PSG 0-2

Porto og PSG áfram

B-riðill:

Arsenal - Montpellier 2-0

Schalke - Olympiakos 1-0

Arsenal og Schalke áfram.

C-riðill:

Zenit - Malaga 2-2

Anderlecht - AC Milan 1-3

Malaga og AC Milan áfram.

D-riðill:

Ajax - Dortmund 1-4

Man. City - Real Madrid 1-1

Dortmund og Real Madrid áfram.