Ronaldo búinn að hitta markið oftar en allt Arsenal-liðið

Arsenal tapaði í kvöld 0-2 á heimavelli á móti Schalke í Meistaradeildinni en er engu að síður í öðru sæti riðilsins með sex stig af níu mögulegum þegar riðlakeppnin er hálfnuð.

Það vekur athygli að Arsenal-liðið hefur aðeins náð samtals tólf skotum á mark í fyrstu þremur leikjum riðlakeppninnar og situr þar á botninum ásamt rúmenska liðinu Cluj og belgíska félaginu Anderlecht.

Bæði Cluj (26) og Anderlecht (32) hafa átt fleiri skot en Arsenal því lærisveinar Arsene Wenger hafa aðeins reynt 21 skot í fyrstu þremur leikjum sínum. Arsenal er einnig á botninum á þeim lista en reyndar við hlið danska liðsins Nordsjælland.

Real Madrid hefur átt flest skot á mark í umferðunum þremur eða alls 38 en Cristiano Ronaldo hefur átt 16 þeirra. Ronaldo er þannig búinn að hitta markið fjórum sinnum oftar en allt Arsenal-liðið til samans.

Fæst skot á markí Meistaradeildinni:

Arsenal 12

CFR Cluj 12

Anderlecht 12

Celtic 13

Dinamo Zagreb 13

Valencia 14

Nordsjælland 14

Flest skot á markí Meistaradeildinni:

Real Madrid 38

Shakhtar Donetsk 35

Dortmund 35

Braga 33

Barcelona 30

Man. United 26

Porto 26

Juventus 26

Flest skot leikmanna á markið í Meistaradeildinni:

Cristiano Ronaldo, Real Madrid 16

Lionel Messi, Barcelona 11

Mario Götze, Dortmund 10

Zlatan Ibrahimović, PSG 10

Dimitri Payet, Lille 9

Henrik Mkhitaryan, Shakhtar Donetsk 9

Sergio Agüero, Man. City 7

Marco Reus, Dortmund 7

Hulk, Zenit 7