Arsenal vann Barcelona samanlagt 7-0

Nýkrýndir Englandsmeistarar Arsenal fóru auðveldlega inn í sextán liða úrslit Meistaradeildar kvenna í fótbolta eftir 4-0 sigur á Barcelona í seinni leiknum í dag. Enska liðið vann leikina tvo samanlagt 7-0.

Skoska landsliðskonan Jennifer Beattie skoraði þrennu í leiknum í dag og fjórða markið skoraði Kim Little. Beattie skoraði líka fyrsta markið í fyrri leiknum.

Arsenal hefur unnið Englandsmeistaratitilinn undanfarin níu ár og kvennalið félagsins hefur nú unnið þrettán síðustu titlana sem félagið hefur unnið enda kom síðasti titill karlaliðsins í hús vorið 2005.

Arsenal mætir þýsku meisturunum í Turbine Potsdam í 16 liða úrslitunum. Arsenal-lðið hefur alla leið í undanúrslitin undanfarin tvö tímabil og vann Meistaradeildina í fyrsta og eina skiptið árið 2007.