Klose bað dómarann um að dæma af mark sem hann skoraði

Þjóðverjinn Miroslav Klose á von á háttvísisverðlaunum eftir að hafa sýnt af sér fádæma hátterni í leik Napoli og Lazio í kvöld.

Klose, sem leikur með Lazio, skoraði þá mark sem var dæmt löglegt. Hann notaði þó hendina til þess að skora, sagði dómaranum frá því sem í kjölfarið dæmdi markið af. Hann spjaldaði þó ekki leikmanninn.

Lazio tapaði leiknum 3-0 þannig að mark Klose hefði líklega ekki dugað.

Birkir Bjarnason lék ekki fyrir Pescara sem vann fínan heimasigur á Palermo.

Pressunni var síðan létt af Massimiliano Allegri, þjálfara AC Milan, er liðið vann loksins leik í kvöld. Hinn 19 ára gamli El Shaarawy skoraði bæði mörk Milan í leiknum.

Úrslit kvöldsins:

Pescara-Palermo 1-0

AC Milan-Cagliari 2-0

Roma-Sampdoria 1-1

Catania-Atalanta 2-1

Chievo-Inter 0-2

Genoa-Parma 1-1

Napoli-Lazio 3-0

Torino-Udinese 0-0