Cavani samdi við Napoli til 2017

Edinson Cavani verður áfram í herbúðum Napoli á Ítalíu. Það varð ljóst eftir að hann skrifaði undir nýjan fimm ára samning við félagið í dag.

Cavani hefur lengi verið orðaður við mörg stórlið í Evrópu, svo sem Chelsea og Manchester City. En ekkert verður af því að hann spili í ensku úrvalsdeildinni á næstunni.

Cavani hefur skorað 49 mörk í 68 leikjum með Napoli síðan hann kom til félagsins frá Palermo árið 2010.

Samkvæmt samningnum verður Napoli ekki skylt að selja Cavani nema félaginu berist tilboð upp á minnst 60 milljónir evra.