Inter til í að skipta á Maicon og De Jong

Ítalska félagið Inter leggur mikið upp úr því að fá hollenska miðjumanninn Nigel de Jong til félagsins og er tilbúið að senda bakvörðinn Maicon til Man. City í skiptum fyrir De Jong.

Inter hefur nefnilega augastað á bakverði Porto, Alvaro Ribeira, og ætlar sér að kaupa hann í stað Maicon.

Inter er rétt eins og nágrannaliðið AC Milan að spara og því að losa sig við dýra leikmenn. Á þeim lista eru Brasilíumennirnir Maicon og markvörðurinn Julio Cesar.

Inter vill kaupa yngri og ódýrari menn og hreinsanir eru því hafnar.