Cech fór í rétt horn í öllum sex vítum Bayern - varði þrjú

Ein af allra stærstu hetjum Chelsea í München í kvöld var tékkneski markvörðurinn Petr Cech sem átti magnaðan úrslitaleik og magnað tímabil í Meistaradeildinni. Cech varði þrjú víti Bæjara í leiknum, eitt í framlengingunni og tvö í vítakeppninni þar sem að hann fór í rétt horn í öllum spyrnum Bayern.

„Þetta var rússíbanaferð en við nutum hennar allir. Það er alltaf meiri pressa þegar það er komið inn í framlengingu og ég hélt að Robben myndi reyna að hafa skotið sem fastast," sagði Petr Cech um vítið sem hann varði frá Arjen Robben í byrjun framlengingarinnar.

„Ég fékk á mig sex víti í dag og fór í rétt horn í þeim öllum. Ég var alltaf viss um að það kæmi að því að ég myndi verja," sagði Cech sem átti erfitt með að lýsa tilfinningunni í leikslol.

„Ég get ekki lýst sigurstundinni því ég datt bara út í tuttugu sekúndur. Ég sagði samt við Roman að við myndum vinna og stóð við það," sagði Cech sem verið þrítugur á morgun.