Di Matteo: Við erum með marga leikmenn með stórt hjarta

Roberto di Matteo, stjóra Chelsea, tókst hið ótrúlega. Hann tók við Chelsea-liðinu í tómu tjóni í marsbyrjun en nú rúmum tveimur mánuðum síðar hefur hann stýrt Chelsea til sigurs í Meistaradeildinni.

„Við erum með marga leikmenn með stórt hjarta, mikla ástríðu og mikinn sigurvilja og það var eina leiðin fyrir okkur til að vinna þennan bikar," sagði Roberto di Matteo.

„Þetta var ótrúlegt framlag frá öllum leikmönnum okkar í þessum leik og við erum ótrúlega ánægðir. Bayern er með gott lið og við höfðum ekki mikinn tíma þegar þeir skora," sagði Roberto di Matteo en það var Didier Drogba sem jafnaði leikinn tveimur mínútum fyrir leikslok.

„Drogba er búinn að vera ótrúlegur fyrir þetta félag. Hann skoraði frábært mark sem hélt okkur inn í leiknum og skoraði síðan úr síðasta vítinu," sagði Di Matteo en verður hann áfram með Chelsea-liðið.

„Ég ætla ekki að tala um mína framtíð á þessari stundu," sagði Di Matteo.