Zlatan bjargaði stigi fyrir Milan

AC Milan missteig sig illa í toppbaráttu ítalska boltans í dag þegar liðið fékk Bologna í heimsókn. Lokatölur þar 1-1.

Gaston Ramirez kom Bologna yfir í leiknum og það benti ekkert til þess að Milan myndi fá neitt úr leiknum er Daniele Bonera var rekinn af velli átta mínútum fyrir leikslok.

Svíin Zlatan Ibrahimovic bjargaði þó Milan um stig er hann skoraði einni mínútu fyrir leikslok.

Milan og Juventus eru jöfn að stigum en Milan hefur leikið einum leik meira. Juve spilar svo gegn Roma í kvöld og getur með sigri náð þriggja stiga forskoti.