Ronaldo: Okkar tími er kominn

Cristiano Ronaldo er sannfærður um að Real Madrid geti unnið upp 2-1 forskot Bayern München frá fyrri leik liðanna í Meistaradeildinni en seinni leikurinn fer fram í kvöld.

"Það er komið að okkur. Þetta er risaleikur og við munum vinna því við erum á heimavelli," sagði Ronaldo.

"Við gerum okkur vel grein fyrir því að Bayern mun liggja aftarlega og beita skyndisóknum."

Portúgalinn hefur átt ótrúlega leiktíð og hefur skorað 57 mörk á leiktíðinni og þar af 42 í spænsku deildinni.