Marcelo: Við erum sigurstranglegir í Meistaradeildinni

Brasilíski bakvörðurinn hjá Real Madrid, Marcelo, segir að lið sitt sé eðlilega sigurstranglegt í Meistaradeildinni en minnir á að enn sé mikið verk óunnið.

"Real Madrid er alltaf sigurstranglegt í öllum keppnum. Við tökum samt ekki neinu sem sjálfsögðum hlut og það er löng leið eftir," sagði Marcelo en Real er svo gott sem komið í undanúrslit Meistaradeildarinnar eftir 3-0 útisigur á APOEL.

"Ég veðja alltaf á Madrid og við viljum allir vinna Meistaradeildina. Ef við höldum áfram að spila eins og við höfum verið að gera þá eigum við möguleika."