Wade tryggði tólfta heimasigurinn í röð

Dwyane Wade tryggði Miami dramatískan sigur á Indiana í framlengingu í nótt. Wade setti sigurkörfuna niður er leiktíminn var að renna út.

LeBron James reyndi að klára leikinn en skot hans misheppnaðist. Haslem náði frákastinu, kom boltanum aftur á James sem framlengdi á Wade sem skilaði boltanum ofan í körfuna.

Wade var með 28 stig í leiknum en þetta var tólfti sigur Miami í röð á heimavelli. James skoraði 27 stig.

Meiðsli Ricky Rubio höfðu strax áhrif á Minnesota í nótt er það tapaði fyrir slöku liði New Orleans. Golden State valtaði svo yfir meistara Dallas sem eru heillum horfnir um þessar mundir.

Úrslit:

Washington-Portland  99-110

Miami-Indiana  93-91

Detroit-Toronto  105-86

NJ Nets-Houston  106-112

Chicago-Utah  111-97

Oklahoma-Charlotte  122-95

Minnesota-New Orleans  89-95

Phoenix-Memphis  98-91

Golden State-Dallas  111-87