Bróðir Lionel Messi með tattú af litla bróður á öxlinni

Lionel Messi á eldri bróður sem heitir Matias og býr í Argentínu. Matias komst í fréttirnar í heimalandinu á dögunum þegar hann viðurkenndi í útvarpsviðtali að vera með húðflúr af litla bróður sínum á öxlinni. Matias segist líka vera mesti aðdáandi Lionel bróður síns.

Það eru örugglega margir sem geta kallað sig aðdáenda Lionel Messi sem hefur farið á kostum í síðustu leikjum. Messi er búinn að skora sjö mörk í tveimur leikjum Barca á síðustu sex dögum. Hann hefur alls skorað 50 mörk í 43 leikjum á tímabilinu.

„Ég sendi honum skilaboð eftir hvern leik hvort sem að þeir vinna eða tapa. Undanfarið hef ég þó átt í vandræðum með að segja eitthvað við hann. Hann er frá annarri plánetu og ég hef alltaf sagt það," sagði Matias Messi í viðtali við Mega-útvarpsstöðina.

Það má sjá mynd af Matias Messi með tattúið með því að smella hér.