Gebrselassie klár í slaginn í Tókíó

Hlaupagoðsögnin Haile Gebrselassie er klár í slaginn fyrir Tókíó-maraþonið sem fram fer á morgun. Flestir af bestu maraþonhlaupurum heims eru mættir og veðurspá eins og hún gerist best.

Gebrselassie þurfti að draga sig úr keppni í hlaupinu á síðasta ári vegna meiðsla. Hann gerir sér vonir um að hlaupa nógu hratt til þess að tryggja sér sæti í Ólympíuliði Eþíópíu í London í sumar.

Gebrselassie sat blaðamannafund í gær ásamt heimamanninum Yuki Kawauchi sem hafnaði afar óvænt í þriðja sæti hlaupsins í fyrra.

Fyrrum heimsmethafinn frá Eþíópíu er á 39 aldursári.

„Ég borða, sef og hleyp. Hlaup eru hluti af lífi mínu. Einn daginn hætti ég að keppa en ég mun aldrei hætta að hlaupa," sagði hlauparinn geðþekki.

„Í 10 þúsund metra hlaupi keppirðu á móti öðrum hlaupurum en í maraþonhlaupi þarftu að sigra vegalengdina," sagði Gebrselassie. Ummælin voru sérstaklega viðeigandi í ljósi þess að kempan hefur þurft að að draga sig úr keppni í síðustu tveimur maraþonhlaupum sínum.

Veðurspáin fyrir morgundaginn hljóðar upp á lítinn vind og hitastig á bilinu 5-8 °C. Frábærar aðstæður fyrir hlaupara.



Boðsgestir á mótinu ásamt besta tíma:Karlar

Haile Gebrselassie (Eþíópía), 2:03:59, 2008 Berlín

Jafred Kipchumba (Kenía), 2:05:48, 2011 Eindhoven

Gilbert Kirwa (Kenía), 2:06:14, 2009 Frankfurt

Michael Kipyego (Kenía), 2:06:48, 2011 Eindhoven

Stephen Kiprotich (Úganda), 2:07:20, 2011 Enschede

Hailu Meikonnen (Eþíópía), 2:07:35, 2011 Tókíó

Oleksander Sitkovskyy (Úkraína), 2:09:26, 2011 Belaya Tserkev

Viktor Rothlin (Sviss), 2:07:23, 2008 Tókíó

Konur

Helena Loshanyang Kirop (Eþíópía), 2:23:37, 2011 Feneyjar

Atsede Habtamu (Eþíópía), 2:24:25, 2011 Berlín

Eyerusalem Kuma (Eþíópía), 2:24:55, 2011 Amsterdam

Tatyana Petrova (Rússland), 2:25:01, 2011 Berlín

Esayias Yeshi (Eþíópía), 2:26:04, 2011 Daegu

Rosaria Console (Ítalía), 2:26:10, 2011 Berlín

Lishan Dula (Barein), 2:26:56, 2011 Rotterdam

Kateryna Stetsenko (Úkraína), 2:27:51, 2010 Dublin

Adriana da Silva (Brasilía), 2:32:30, 2010 Berlín