Juventus komið á toppinn

Juventus komst í kvöld í toppsæti ítölsku úrvalsdeildarinnar er liðið vann flottan 3-1 heimasigur á Catania.

Það blés ekki byrlega framan af fyrir Juve Pablo Barrientos kom Catania yfir strax á 5. mínútu.

Andrea Pirlo jafnaði metin fyrir Juve á 22. mínútu og þannig stóð leikar í hálfleik.

Marco Motta, leikmaður Catania, fékk að líta rauða spjaldið á 66. mínútu og það nýtti Juve sér í botn. Giorgio Chiellini kom Juve yfir tíu mínútum síðar og Fabio Quagliarella afgreiddi leikinn tíu mínútum fyrir leikslok.

Juventus er með tveim stigum meira en AC Milan sem er í öðru sæti.