Milan vill fá Tevez og Balotelli

AC Milan hefur sýnt það í gegnum tíðina að félagið er óhrætt við að semja við óstýriláta leikmenn. Félagið er nú á höttunum eftir tveimur slíkum leikmönnum.

Milan ku ætla að selja Brasilíumanninn Alexandre Pato á háu verði til PSG í Frakklandi. Peningarnir sem fást fyrir hann verða síðan notaðir í að reyna að kaupa Carlos Tevez og Mario Balotelli frá AC Milan. Ekki er víst að kaupverðið fyrir Pato dugi fyrir þessum tveimur leikmönnum.

Tevez kæmi þá í janúar en engar líkur eru á því að Milan fái Balotelli þá. Milan ætlar því að reyna af fullum krafti að kaupa hann í sumar.

Ítalinn hefur sjálfur sagst vera opinn fyrir því að spila með Milan en hann lék með Inter áður en hann fór til Englands.