Kobe sjóðheitur | Bulls marði Atlanta

Kobe Bryant, leikmaður LA Lakers, minnti heldur betur á sig í nótt þegar hann skoraði 37 stig í sigurleik gegn Houston í NBA-deildinni í nótt. Andrew Bynum einnig með stórleik en hann skoraði 21 stig og tók 22 fráköst.

Chicago vann nauman sigur á heitu liði Atlanta sem var nýbúið að leggja Miami af velli. Luol Deng með sigurkörfuna undir lokin en Derrick Rose var samt allt í öllu hjá Chicago með 30 stig og meirihluti þeirra stiga kom í síðasta leikhluta.

Oklahoma tapaði svo sínum öðrum leik í röð í nótt eftir að hafa byrjað leiktíðina frábærlega.

Úrslit:

Chicago-Atlanta 76-74

Memphis-Sacramento 113-96

Cleveland-Charlotte 115-101

Utah Jazz-Milwaukee 85-73

LA Lakers-Houston 108-99

Oklahoma-Portland 93-103