Dáir kettina sína

Leikarinn Robert Downey Jr. viðurkenndi nýverið að hann væri orðinn mikill kattamaður eftir að hafa ættleitt kettlingana Montgomery og Dartanian. Hann segir sambúðina með kettlingunum hafa breytt lífi sínu til hins betra og að hann gæti ekki hugsað sér lífið án þeirra.

Downey Jr. viðurkennir að átján mánuðum fyrr hafi hann ekki viljað dýr inn á heimilið en að honum hafi blessunarlega snúist hugur.

„Ég var mjög mótfallinn hugmyndinni í fyrstu en nú get ég ekki hugsað mér lífið án þeirra. Ég er núna týpan sem mætir í boð og sýnir fólki símamyndir af kettlingunum mínum. Ég mundi drepa fyrir þessar ljúfu litlu sálir," sagði leikarinn, sem á von á sínu fyrsta barni í byrjun næsta árs.