Sheen birti númerið sitt

Leikarinn Charlie Sheen lenti í smá vandræðum með samskiptasíðuna Twitter á dögunum. Sheen ætlaði að senda einkaskilaboð til Justins Bieber sem innihélt símanúmerið hans, en birti skilaboðin óvart fyrir allra augum.

Sheen er með um 5,5 milljónir áhangenda á Twitter, sem fylgjast með hverju skrefi hans á vefsíðunni. Sheen uppgötvaði mistökin og fjarlægði skilaboðin skömmu eftir að þau birtust. Hann komst þó ekki hjá því að fá um 1.800 sms-skilaboð frá æstum aðdáendum sem sáu símanúmerið.

Sheen neyðist að öllum líkindum til að skipta um símanúmer, en hann náði engu að síður að hafa gaman að mistökunum. Samkvæmt breska dagblaðinu Daily Mail svaraði hann nokkrum sinnum í símann og kynnti sig sem starfsmann pitsustaðar.