Inter með góðan útisigur

Leikmenn Inter ætla ekki að gefa ítalska meistaratitilinn eftir baráttulaust. Þeir eru á mikilli siglingu þessa dagana og unnu enn einn sigurinn í kvöld.

Að þessu sinni vann Inter mjög sterkan útisigur á Fiorentina, 1-2. Michele Camporese varð fyrir því óláni að skora sjálfsmark fyrir Inter á 6. mínútu en Manuel Pasqual jafnaði metin fyrir heimamenn á 33. mínútu.

Það var síðan Giampaolo Pazzini sem tryggði Inter öll stigin er hann skoraði annað mark Inter hálftíma fyrir leikslok.

Inter er sem fyrr í þriðja sæti deildarinnar. Liðið er fjórum stigum á eftir toppliði AC Milan og hefur leikið einum leik meira.