AC Milan styrkti stöðu sína á toppnum

Fjölmörgum leikjum er lokið í ítölsku úrvalsdeildinni í dag en AC Milan vann góðan 1-0 útisigur á Cagliari og er með fimm stiga forystu á toppi deildarinnar. Rodney Strasser skoraði sigurmark leiksins á 85. mínútu en þetta var fyrsta mark kappans með AC Milan. Strasser er tvítugur miðvallarleikmaður frá Sierra Leone og lék sinn fyrsta leik með liðinu nú í haust.

Massimilano Allegri, stjóri Milan, mætti þarna sínu gamla liði en hann kom til Milan frá Cagliari í sumar.

Juventus fékk slæman skell og tapaði 4-1 fyrir Parma fyrr í dag. Umferðinni lýkur svo í kvöld með leik Inter og Napoli.

Úrslit dagsins:

Juventus - Parma 4-1

Cagliari - AC Milan 0-1

AS Roma - Catania 4-2

Bologna - Fiorentina 1-1

Brescia - Cesena 1-2

Genoa - Lazio 0-0

Lecce - Bari 0-1

Palermo - Sampdoria 3-0

Udinese - Chievo 2-0