Guardiola: Seinni leikurinn verður mjög opinn

Pep Guardiola, þjálfari Barcelona, var frekar rólegur þó svo lið hans hafi tapað, 2-1, gegn Arsenal í Meistaradeildinni í kvöld.

"Þetta var frábær leikur. Bæði lið fengu mörg færi. Auðvitað var fúlt að tapa en við vissum að Arsenal væri frábært lið með magnaðar skyndisóknir," sagði Guardiola.

"Engu að síður fannst mér við stýra leiknum lengstum. Við þurfum að búa til færi í seinni leiknum eins og í kvöld en nýta þau. Seinni leikurinn verður örugglega mjög opinn. Við töpuðum en seinni leikurinn er eftir."