Versluninni Lindex lokað tímabundið vegna vöruskorts

Fataverslunin Lindex, sem var opnuð í Smáralind fyrir þremur dögum, hefur verið lokað tímabundið vegna vöruskorts, þar sem vörulager, sem átti að duga til þriggja vikna , er nánast upp seldur.

Í tilkynningu frá versluninni segir að á þessum þremur dögum hafi rúmlega tíu þúsund manns komið í verslunina og salan verið fimm sinnum meiri en áætlað var. Nýjar vörusendingar eru á leið til landsins.

Áætlað er að opna verslunina að nýju næstkomandi laugardag.