NBA-leikmenn fá ekki laun í næsta mánuði

Stjórn leikmannasamtaka NBA-deildarinnar mun funda á föstudag og fara yfir stöðu mála. Samtökin þurfa einnig að ákveða hvaða leið það vill fara í baráttunni sem er fram undan.

Nú þegar er búið að aflýsa fyrstu tveim vikum tímabilsins sem átti að hefjast 1. nóvember.

Meirihluti leikmanna deildarinnar mun ekki fá laun í næsta mánuði miðað við óbreytt ástand. Þó svo ekki sé um að ræða verkamenn á lágmarkslaunum taka NBA-strákarnir því illa að missa af launatékka.

Deilan er enn í algjörum hnút og óttast margir að enginn NBA-bolti verði spilaður á þessari leiktíð.