Heimir: Vill meina að FH - liðið sé líka betra 11 gegn 11

„Við vorum ekki góðir í fyrri hálfleik, en þetta fór að ganga betur í þeim síðari,“ sagði Heimir Guðjónsson, þjálfari FH, eftir leikinn í kvöld.

„Þeir voru virkilega skipulagði í fyrri hálfleiknum og við áttum erfitt með að brjóta þá á bak aftur. Í seinni hálfleik spiluðum við betur, boltinn gekk hraðar og við unnum fínan sigur“.

FH-ingar hafa leikið vel í sumar þegar liðið missir mann af velli og náð í mörg stig 10 gegn 11.

„Við virðumst detta almennilega í gang þegar við missum mann af velli, en ég vill samt meina að FH-liðið sé einnig betra en Þór 11 gegn 11“.