Hamsik vill fara til AC Milan

Slóvakíski miðjumaðurinn Marek Hamsik gefur AC Milan hraustlega undir fótinn í dag. Hann segir að það væri jákvætt skref á sínum ferli að fara til félagsins en Hamsik leikur með Napoli.

Hamsik fór á kostum með Napoli síðasta vetur er félagið náði óvænt þriðja sætinu í ítölsku úrvalsdeildinni.

"Það væri jákvæð þróun hjá mér að fara til Milan þannig að ég get ekki lofað Napoli neinu," sagði Hamsik.

"Milan er eitt sigursælasta félag heims," sagði Hamsik sem bíður eftir að Milan sæki sig.