Nadal ekki alvarlega meiddur

Spánverjinn Rafael Nadal mun geta spilað í næstu umferð á Wimbledon-mótinu í tennis. Rannsóknir hafa leitt í ljós að meiðsli sem hann varð fyrir í síðustu umferð eru ekki alvarleg.

Nadal var augljóslega þjáður í leiknum gegn Juan Martin Del Potro en hafði sigur í fjórum settum.

Nadal mætir Mardy Fish í átta manna úrslitunum á morgun.

"Ég hélt fyrst að eitthvað mjög alvarlegt hefði gerst. Verkurinn lagaðist síðan eftir því sem leið á leikinn. Sem betur fer er ég í lagi," sagði Nadal.