Pirlo á förum frá Milan - Inzaghi framlengir

Miðjumaðurinn sterki, Andrea Pirlo, hefur ákveðið að yfirgefa AC Milan eftir tíu ára dvöl hjá félaginu. Samningur hans rennur út í sumar og hann fer því án greiðslu.

"Þetta hafa verið tíu frábær ár og þetta er sameiginleg ákvörðun sem er gerð í góðu. Ég mun kveðja," sagði hinn 32 ára Pirlo sem hefur verið sterklega orðaður við Juventus.

"Ég hef ekkert rætt við Juventus," sagði Pirlo en mörg félög munu eflaust bítast um þjónustu hans.

Filippo Inzaghi hefur aftur á móti skrifað undir nýjan eins árs samning við Milan.