Juventus með góðan útisigur gegn Roma

Juventus vann í kvöld 0-2 útisigur á Roma en liðin eru í harðri baráttu um Evrópusæti í ítalska boltanum. Staðan var markalaus í hálfleik en á 60. mínútu braut Milos Krasic ísinn og kom gestunum frá Tórínó yfir í leiknum. Á 74. mínútu bætti Alessandro Matri við öðru marki og tryggði Juventus öll þrjú stigin.

Þegar sjö umferðir eru eftir í ítölsku A-deildinni þá er Juventus með 48 stig í 7. sæti deildarinnar en Roma með 50 í 6. sæti sem er öruggt sæti í Evrópudeildina á næstu leiktíð.

Úrslit dagsins í ítalska boltanum:

Napoli 4-3 Lazio

Catania 4-0 Palermo

Cesena 2-2 Fiorentina

Chievo 0-0 Sampdoria

Genoa 0-1 Cagliari

Lecce 2-0 Udinese

Parma 1-2 Bari

AS Roma 0-2 Juventus