Ribery missir af úrslitaleiknum

Aganefnd Knattspyrnusambands Evrópu hefur úrskurðað Franck Ribery, leikmann Bayern München, í þriggja leikja bann.

Þetta þýðir að Ribery getur ekki spilað með Bayern í úrslitaleik Meistaradeildar Evrópu þar sem liðið mætir annað hvort Inter eða Barcelona.

Bayern tryggði sér sæti í úrslitunum með 4-0 samanlögðum sigri á Lyon frá Frakklandi. Ribery fékk að líta rautt spjald fyrir ljóta tæklingu í fyrri leik liðanna og tók því út leikbann í síðari leiknum.

Bayern hefur núna þrjá daga til að áfrýja úrskurðinum en víst þykir að honum verði ekki hnekkt.