Fréttir vikunnar: Slökkviliðsmaður á slysadeild og játning í morðmáli Jón Hákon Halldórsson skrifar 21. nóvember 2010 20:30 Slökkviliðsmaður var fluttur á slysadeild eftir eldsvoða á Laugavegi. Mynd/ Anton Brink. Vikan byrjaði á því að eldur kom upp á Laugavegi 40 á sunnudagskvöldi. Einn slökkviliðsmaður var fluttur á slysadeild til aðhlynningar eftir slökkvistarf. Eldurinn kom upp í risi á húsinu og slökkvistarf var flókið. Rífa þurfti hluta af þaki á húsinu. Að auki voru nokkrar skemmdir á risi hússins. Á mánudaginn sögðum við svo frá því að ráðist hafði verið á Ólaf Þórðarson daginn áður. Árásarmaðurinn var úrskurðaður í tveggja vikna gæsluvarðhald en hann er sonur Ólafs. Maðurinn hefur játað á sig verknaðinn. Kona sem handtekin var vegna árásarinnar var látin laus. Steingrímur Þór Ólafsson var úrskurðaður í gæsluvarðhald til 27. nóvember að kröfu lögreglunnar á höfuðborgarsvæðinu. Steingrímur var handtekinn í Venesúela í Suður-Ameríku í síðasta mánuði. Hann var afhentur íslenskum lögregluyfirvöldum á föstudag fyrir viku en hann er grunaður um aðild að umfangsmiklu fjársvikamáli sem er til rannsóknar hjá lögreglu. Umfangsmiklar aðgerðir sérstaks saksóknara vegna Glitnis hófust á þriðjudaginn og fóru fram víðsvegar á höfuðborgarsvæðinu og á Akureyri. Skilanefnd og slitastjórn Glitnis hafa sent nokkur mál er varða meint lögbrot tengdum rekstri Glitnis til sérstaks saksóknara eins og fréttastofa hefur greint frá. Við sögðum líka frá því að um 160 fjárnám hafa verið gerð fyrir Lánasjóð íslenskra námsmanna frá haustinu 2008 vegna vanskila. Þetta kom fram í svari Katrínar Jakobsdóttur, mennta- og menningarmálaráðherra, við fyrirspurn Margrétar Tryggvadóttur, þingmanni Hreyfingarinnar. Lilja Mósesdóttir, þingkona VG og formaður viðskiptanefndar lýsti því yfir á miðvikudaginn að hún bæri boðin og búin til þess að keyra hratt í gegnum þingið frumvarp um vexti og verðtyggingu. Með lögunum yrði þak sett á vexti íbúðalána þannig að þeir verði aðeins um þrjú prósent. Það var heppinn Dani sem hlaut fyrsta vinninginn í Víkingalottóinu á miðvikudaginn eða rúmlega 436 milljónir króna. Fimm Íslendingar fengu þó eitthvað í sinn hlaut en tveir voru með fimm jókartölur réttar réttri í röð. Garðar Helgi Magnússon, lögreglumaður, var dæmdur sekur í Hæstarétti á fimmtudaginn og var því sýknudómi Héraðsdóms Reykjavíkur hnekkt. Garðar Helgi var ákærður fyrir að fyrir brot í opinberu starfi og líkamsárás með því að hafa að morgni sunnudagsins 18. janúar 2009 farið offari við framkvæmd lögreglustarfans og ekki gætt lögmætra aðferða. Ákæra gegn Gunnari Rúnari Sigurþórssyni, sem grunaður er um morðið á Hannesi Þór Helgasyni, var gefin út á fimmtudaginn. Hannes Þór Helgason fannst myrtur á heimili sínu í Hafnarfirði þann 15. ágúst síðastliðinn. Fljótlega beindist grunur að Gunnari Rúnari sem hafði opinberlega lýst ást sinni á unnustu Hannesar. Hann játaði svo þegar málið var þingfest í Héraðsdómi Reykjaness á föstudeginum. Verjandi Gunnars Rúnars fer fram á að réttarhaldið verði lokað, og leggur sérstaka áherslu á að það verðu lokað almenningi og fjölmiðlum þegar Gunnar Rúnar gefur skýrslu sem og geðlæknir hans. Lárus Welding, fyrrverandi bankastjóra Glitnis banka, var kallaður til yfirheyrslu hjá embætti sérstaks saksóknara á fimmtudagsmorgun. Hann var í yfirheyrslum í um það bil tólf tíma og mætti svo aftur á hádegi daginn eftir. Á föstudag sögðum við svo frá því að reiknað er með að kostnaður við fyrirhugaðan landsdóm nemi rúmum 113 milljónum króna. Þetta kemur fram í minnisblaði sem Ögmundur Jónasson dómsmálaráðherra lagði fram á ríkisstjórnarfundi. Hæstiréttur og dómsmálaráðuneytið lögðu í sameiningu mat á útgjöldin vegna málsins. Í gær sögðum við svo frá áhyggjum flokksráðs VG vegna meðferðar kynferðisbrotamála innan lögreglunnar. Fundarmenn á fundi flokksráðsins bentu á að aðeins 3-6% af þeim málum sem upp koma enda með sakfellingu. Flokksráðsmenn krefjast meiri árangurs af kynferðisbrotadeild lögreglunnar. Í gær var líka bent á að töluvert fleiri nota nagladekk nú í nóvember en þegar notkun nagladekkja var könnuð fyrir ári síðan. Um 32% ökutækja reyndist vera á negldum dekkjum þegar talning var gerð þann 17. nóvember síðastliðinn og 68% á öðrum tegundum dekkja. Fyrir ári síðan reyndist hlutfall þeirra ökutækja á negldum dekkjum 24%. Fyrir tveimur árum var hlutfallið hins vegar 35%. Mest lesið Aðsetur ríkisstjórnarinnar logar eftir árásir næturinnar Erlent Hótar að beita stríðsmálaráðuneytinu: „Chipocalypse Now“ Erlent Ákærðir fyrir hópnauðgun gegn ólögráða stúlku Innlent Ákærðir vegna fölsuðu taflanna tuttugu þúsund Innlent „Vona bara að hún grípi til raunverulegra aðgerða sem bíta“ Innlent Veltir fyrir sér hvort íslensk íþróttafélög verði af milljörðum Innlent „Eins og að fá hnefahögg í andlitið“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Kennir íslensku en fær ekki ríkisborgararétt að óbreyttu Innlent Bandaríkjamenn handtóku yfir þrjú hundruð Suður-Kóreumenn Erlent Fleiri fréttir Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Sjá meira
Vikan byrjaði á því að eldur kom upp á Laugavegi 40 á sunnudagskvöldi. Einn slökkviliðsmaður var fluttur á slysadeild til aðhlynningar eftir slökkvistarf. Eldurinn kom upp í risi á húsinu og slökkvistarf var flókið. Rífa þurfti hluta af þaki á húsinu. Að auki voru nokkrar skemmdir á risi hússins. Á mánudaginn sögðum við svo frá því að ráðist hafði verið á Ólaf Þórðarson daginn áður. Árásarmaðurinn var úrskurðaður í tveggja vikna gæsluvarðhald en hann er sonur Ólafs. Maðurinn hefur játað á sig verknaðinn. Kona sem handtekin var vegna árásarinnar var látin laus. Steingrímur Þór Ólafsson var úrskurðaður í gæsluvarðhald til 27. nóvember að kröfu lögreglunnar á höfuðborgarsvæðinu. Steingrímur var handtekinn í Venesúela í Suður-Ameríku í síðasta mánuði. Hann var afhentur íslenskum lögregluyfirvöldum á föstudag fyrir viku en hann er grunaður um aðild að umfangsmiklu fjársvikamáli sem er til rannsóknar hjá lögreglu. Umfangsmiklar aðgerðir sérstaks saksóknara vegna Glitnis hófust á þriðjudaginn og fóru fram víðsvegar á höfuðborgarsvæðinu og á Akureyri. Skilanefnd og slitastjórn Glitnis hafa sent nokkur mál er varða meint lögbrot tengdum rekstri Glitnis til sérstaks saksóknara eins og fréttastofa hefur greint frá. Við sögðum líka frá því að um 160 fjárnám hafa verið gerð fyrir Lánasjóð íslenskra námsmanna frá haustinu 2008 vegna vanskila. Þetta kom fram í svari Katrínar Jakobsdóttur, mennta- og menningarmálaráðherra, við fyrirspurn Margrétar Tryggvadóttur, þingmanni Hreyfingarinnar. Lilja Mósesdóttir, þingkona VG og formaður viðskiptanefndar lýsti því yfir á miðvikudaginn að hún bæri boðin og búin til þess að keyra hratt í gegnum þingið frumvarp um vexti og verðtyggingu. Með lögunum yrði þak sett á vexti íbúðalána þannig að þeir verði aðeins um þrjú prósent. Það var heppinn Dani sem hlaut fyrsta vinninginn í Víkingalottóinu á miðvikudaginn eða rúmlega 436 milljónir króna. Fimm Íslendingar fengu þó eitthvað í sinn hlaut en tveir voru með fimm jókartölur réttar réttri í röð. Garðar Helgi Magnússon, lögreglumaður, var dæmdur sekur í Hæstarétti á fimmtudaginn og var því sýknudómi Héraðsdóms Reykjavíkur hnekkt. Garðar Helgi var ákærður fyrir að fyrir brot í opinberu starfi og líkamsárás með því að hafa að morgni sunnudagsins 18. janúar 2009 farið offari við framkvæmd lögreglustarfans og ekki gætt lögmætra aðferða. Ákæra gegn Gunnari Rúnari Sigurþórssyni, sem grunaður er um morðið á Hannesi Þór Helgasyni, var gefin út á fimmtudaginn. Hannes Þór Helgason fannst myrtur á heimili sínu í Hafnarfirði þann 15. ágúst síðastliðinn. Fljótlega beindist grunur að Gunnari Rúnari sem hafði opinberlega lýst ást sinni á unnustu Hannesar. Hann játaði svo þegar málið var þingfest í Héraðsdómi Reykjaness á föstudeginum. Verjandi Gunnars Rúnars fer fram á að réttarhaldið verði lokað, og leggur sérstaka áherslu á að það verðu lokað almenningi og fjölmiðlum þegar Gunnar Rúnar gefur skýrslu sem og geðlæknir hans. Lárus Welding, fyrrverandi bankastjóra Glitnis banka, var kallaður til yfirheyrslu hjá embætti sérstaks saksóknara á fimmtudagsmorgun. Hann var í yfirheyrslum í um það bil tólf tíma og mætti svo aftur á hádegi daginn eftir. Á föstudag sögðum við svo frá því að reiknað er með að kostnaður við fyrirhugaðan landsdóm nemi rúmum 113 milljónum króna. Þetta kemur fram í minnisblaði sem Ögmundur Jónasson dómsmálaráðherra lagði fram á ríkisstjórnarfundi. Hæstiréttur og dómsmálaráðuneytið lögðu í sameiningu mat á útgjöldin vegna málsins. Í gær sögðum við svo frá áhyggjum flokksráðs VG vegna meðferðar kynferðisbrotamála innan lögreglunnar. Fundarmenn á fundi flokksráðsins bentu á að aðeins 3-6% af þeim málum sem upp koma enda með sakfellingu. Flokksráðsmenn krefjast meiri árangurs af kynferðisbrotadeild lögreglunnar. Í gær var líka bent á að töluvert fleiri nota nagladekk nú í nóvember en þegar notkun nagladekkja var könnuð fyrir ári síðan. Um 32% ökutækja reyndist vera á negldum dekkjum þegar talning var gerð þann 17. nóvember síðastliðinn og 68% á öðrum tegundum dekkja. Fyrir ári síðan reyndist hlutfall þeirra ökutækja á negldum dekkjum 24%. Fyrir tveimur árum var hlutfallið hins vegar 35%.
Mest lesið Aðsetur ríkisstjórnarinnar logar eftir árásir næturinnar Erlent Hótar að beita stríðsmálaráðuneytinu: „Chipocalypse Now“ Erlent Ákærðir fyrir hópnauðgun gegn ólögráða stúlku Innlent Ákærðir vegna fölsuðu taflanna tuttugu þúsund Innlent „Vona bara að hún grípi til raunverulegra aðgerða sem bíta“ Innlent Veltir fyrir sér hvort íslensk íþróttafélög verði af milljörðum Innlent „Eins og að fá hnefahögg í andlitið“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Kennir íslensku en fær ekki ríkisborgararétt að óbreyttu Innlent Bandaríkjamenn handtóku yfir þrjú hundruð Suður-Kóreumenn Erlent Fleiri fréttir Fangageymslur fullar eftir erilsama nótt Aðgerðir vegna Gasa, málfrelsi á Íslandi og ný atvinnustefna Ákærðir vegna fölsuðu taflanna tuttugu þúsund „Vona bara að hún grípi til raunverulegra aðgerða sem bíta“ Korn ræktað á um fjögur þúsund hekturum Veltir fyrir sér hvort íslensk íþróttafélög verði af milljörðum Handtekinn undir áhrifum með tvö börn í bílnum Fjölmenn mótmæli og skortur á íslenskukunnáttu þrátt fyrir doktorsnám Ákærðir fyrir hópnauðgun gegn ólögráða stúlku Gullkistan opnuð á Vestfjörðum Sóttu slasaðan ökumann við Surtshelli Gríðarlegur fjöldi á mótmælunum Þjóð gegn þjóðarmorði Tæpir sextíu þúsund fermetrar í eigu ríkisins standa tómir Kennir íslensku en fær ekki ríkisborgararétt að óbreyttu Tvöföldun erlendra fanga á fimm árum: „Þetta er auðvitað gríðarlega hátt hlutfall“ Nöfn myrtra barna verða lesin upp í sjö klukkustundir Eygir vonarneista í fyrsta sinn í marga mánuði Eygir vonarneista í fyrsta sinn og mótmæli um allt land Segir dregið úr veiðum á grundvelli „Walt Disneylíffræði“ Árborg girnist svæði Flóahrepps Sendu kæligáma til Úkraínu Langflestir lögreglumenn á Suðurnesjum Brunarústirnar fjarlægðar tveimur árum eftir brunann Íbúar mótmæla og vilja börn frekar en byggingu í Gunnarsbrekku Reyndi að stinga lögreglu af á buggy Bílvelta í Kömbunum „Eins og að fá hnefahögg í andlitið“ Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Sjá meira