Góðir gestir hjá Conan

Gamanleikarinn Seth Rogen og rokkarinn Jack White verða gestir í fyrsta spjallþætti Conans O"Brien á bandarísku sjónvarpsstöðinni TBS sem fer í loftið 8. nóvember.

Einnig er mögulegt að sá sem verður efstur á blaði í skoðanakönnun um hver eigi að vera fyrsti gestur þáttarins láti einnig sjá sig.

Leikarinn Jack Nicholson er sem stendur í efsta sætinu.

Á meðal fleiri gesta í næstu þáttum Conans verða Tom Hanks, Soundgarden og Michael Cera. Conan O"Brien stjórnaði áður kvöldþætti NBC þar sem hann tók við af Jay Leno en var látinn taka pokann sinn.