Þrettán sigrar í röð hjá Boston

Meistarar LA Lakers luku í nótt sjö leikja ferðalagi er þeir skelltu Toronto í Kanada. Kobe Bryant atkvæðamestur í liði Lakers með 20 stig og Pau Gasol einnig sterkur með 19. Lakers tapaði aðeins einum leik á þessu ferðalagi.

"Við treystum á bekkinn í kvöld og spiluðum meira með varamenn en oft áður. Bynum var sterkur og þeir réðu ekki við hæðina hjá okkur enda vantaði þá lykilmenn," sagði Phil Jackson, þjálfari Lakers.

Paul Pierce var með sína fyrstu þreföldu tvennu í fjögur ár er Boston skellti Indiana og vann um leið sinn þrettánda leik í röð. Pierce var með 18 stig, 10 fráköst og 12 stoðsendingar.

Shaquille O´Neal kom einnig sterkur inn í lið Boston eftir meiðsli og skoraði 11 af fyrstu 17 stigum Boston í leiknum.

Úrslit næturinnar:

Boston-Indiana  99-88

NJ Nets-Atlanta  89-82

Toronto-LA Lakers  110-120

Detroit-New Orleans  111-108

Sacramento-Houston  93-102

Oklahoma-Phoenix  110-113