Fyrsti titill Giants í 56 ár

San Francisco Giants vann í nótt bandaríska meistaratitilinn í hafnarbolta eftir 4-1 sigur á Texas Rangers í úrslitarimmu MLB-deildarinnar.

Giants tryggði sér titilinn með 3-1 útisigri á Rangers í fimmta leik liðanna í úrslitarimmunni. Það var Edgar Renteria sem var hetja Giants en hann tryggði sínum mönnum öll stigin þrjú með heimahlaupi (e. home run) í sjöundu lotu.

Tim Lincecum, kastari Giants, átti einnig góðan leik og hélt Rangers í aðeins einu stigi.

Þetta var sjötti titill Giants í sögunni en sá fyrsti síðan 1954. Þetta var einnig fyrsti titill félagsins síðan það flutti frá New York til Kaliforníu árið 1958.