Baggio: Inter rétta liðið til að stöðva Barcelona

Roberto Baggio viðurkennir að Inter eigi erfitt verkefni fyrir höndum gegn Barcelona í undanúrslitum Meistaradeildarinnar.

Baggio er af mörgum talinn einn besti sóknarmaður allra tíma og lék m.a. með Inter á löngum og farsælum ferli.

,,Barcelona er meistari og hefur þrjú ár í röð komist í undanúrslitin í þessari keppni. Ef þú skoðar hvernig þeim hefur gengið í leikjum gegn Inter á þessu tímabili þá er ekki hægt að segja annað en að spænska liðið sé sigurstranglegra fyrir þessa rimmu," sagði Baggio.

,,Hvernig stöðvar þú þá? Þú kemur í veg fyrir að þeir komist inn á San Siro! Án alls djóks þá tel ég Inter vera rétta liðið til að stöðva Barcelona. Leikstíll Inter gæti verið sá rétti til að ná að skemma spilamennsku Börsunga."