Hafnarbolti, krikket og körfubolti borga miklu hærri laun en enska úrvalsdeildin

New York Yankees borga leikmönnum hafnaboltaliðsins um 90.000 pund að meðaltali á viku. Það eru rúmlega 17 milljónir íslenskra króna á gengi dagsins. Há laun knattspyrnumanna á Englandi, sem mörgum þykir nóg um, blikna í samanburði við þessar tölur.

Real Madrid og Barcelona koma næst á listanum yfir félög sem borga best. Chelsea er svo í fjórða sæti með 68.000 pund að meðaltali á viku og er eina félagið á Englandi sem kemst á topp 10 listann.

Tekið skal fram að miðað er við leikmenn í aðalliði félaganna, ekki varalið eða unglingalið.

Manchester United er í fjórtánda sæti og er ásamt Chelsea eina félagið úr ensku úrvalsdeildinni á topp 30 listanum. Tölurnar eru frá tímabilinu 2007/2008, áður en Manchester City fór að borga hæstu launin á Englandi.

Aðrar tölur eru frá árinu 2009.

Í sætum fimm til ellefu eru félög úr NBA-körfuboltanum en sú deild borgar bestu laun í heimi. Á eftir henni kemur úrvalsdeildin í krikket á Indlandi, þá MLB-deildin í hafnarbolta og loks enska úrvalsdeildin.

Tölurnar koma frá leikmannasamtökum og opinberum gögnum frá félögum, sem eru mun opnari í Bandaríkjunum en til dæmis á Englandi. Bónusar og aukagreiðslur eru ekki inni í tölunum.

Listi yfir 10 efstu félög í heimi - laun á ári til leikmanna

1. NY Yankees: MLB-deildin. £4,674,644 (£89,897 á viku)

Hæstu launin: Alex Rodriguez £20,130,000

2. Real Madrid: La Liga deildin. £4,235,110 (£81,444 á viku)

Hæstu launin: Óvíst.

3. Barcelona: La Liga deildin. £4,067,200 (£78,231 á viku)

Hæstu launin: Óvíst.

4. Chelsea: Enska úrvalsdeildin. £3,585,185 (£68,946 á viku)

Hæstu launin: Óvíst.

5. Dallas Mavericks: NBA. £3,553,823 (£68,343 á viku)

Hæstu launin: Jason Kidd £13,036,920

6. LA Lakers: NBA. £3,409,281 (£65,563 á viku)

Hæstu launin: Kobe Bryant £12,970,125

7. Detroit Pistons: NBA. £3,340,189 (£64,234 á viku)

Hæstu launin: Allen Iverson £12,712,781

8. Cleveland Cavaliers: NBA. £3,303,495 (£63,529 á viku)

Hæstu launin: Ben Wallace £8,845,000

9. Boston Celtics: NBA. £3,266,251 (£62,813 á viku)

Hæstu launin: Kevin Garnett £15,098,680

10. New York Knicks: NBA. £3,264,010 (£62,769 á viku)

Hæstu launin: Stephen Marbury £12,712,781