15 ár frá snjóflóðinu á Flat­eyri

Í dag eru fimmtán ár liðin frá snjóflóðinu á Flateyri þar sem tuttugu manns fórust. Snjóflóðið féll 26. október 1995 og höfðu þessar mannskæðu náttúruhamfarir gríðarleg áhrif á alla landsmenn. Íbúar á Flateyri og nærsveitum minnast þessa válega atburðar með sorg í hjarta.

Nú fyrir helgina var frumsýnd heimildarmyndin Norð Vestur, eftir önfirska leikstjórann Einar Þór Gunnlaugsson, um snjóflóðið á Flateyri og björgun þeirra sem bjargað varð. Í myndinni er varpað ljósi á þau tímamót sem urðu þetta sorgarár á sviði rannsókna og viðhorfa til hættumast vegna snjóflóðahættu, byggingu varnargarða og áfallahjálpar.

Fleiri sýningar verða á næstunni á Ísafirði.

Heimasíða myndarinnar Norð Vestur.