Frakkar mála bæinn rauðan

Franska landsliðið í handbolta og það íslenska eigast við í seinni vináttuleik þjóðanna í kvöld. Franska liðið hefur oft verið sagt það besta í heimi og liðsmennirnir ætla samkvæmt heimildum Fréttablaðsins að kíkja aðeins út á næturlífið í fylgd með liðsmönnum þess íslenska.

Eflaust eiga þeir eftir að vekja mikla athygli enda eru lykilmennirnir Karabatic og Dinard risar að vexti. Frakkarnir ættu líka að búa sig undir að verða aðeins lengur á Íslandi ef Eyjafjallajökull heldur uppteknum hætti.