Valskonur unnu bikarinn annað árið í röð

Valskonur tryggðu sér bikarmeistaratitilinn annað árið í röð eftir 1-0 sigur á Stjörnunni í úrslitaleik VISA-bikar kvenna á Laugardalsvelli í dag.

Þetta er í fyrsta sinn síðan árið 1988 sem kvennaliði Vals tekst að vinna bikarinn tvö ár í röð en Valskonur unnu þarna sinn tólfta bikarmeistaratitil frá upphafi.

Daníel Rúnarsson, ljósmyndari Fréttablaðsins og Vísis, var á Laugardalsvellinum í dag og myndaði sigurgleði Valskvenna í leikslok.

Myndirnar má sjá í albúminu hér að neðan. Hægt er að sjá myndirnar stærri með því að smella á þær.