Guardiola: Þjóðverjarnir geta gengið frá okkur með skyndisóknum

Knattspyrnustjórinn Pep Guardiola hjá Meistaradeildarmeisturum Barcelona er með báða fætur fasta við jörðina þrátt fyrir að lið hans sé talið mun sigurstranglegra í viðureign sinni gegn Stuttgart í 16-liða úrslitum Meistaradeildarinnar í kvöld.

Guardiola er meðvitaður um að bölvunina sem hefur hvílt á þeim liðum sem vinna keppnina þegar þau mæta í 16-liða úrslitin árið eftir.

„Ef sagan er skoðuð kemur fljótt í ljós að Meistaradeildarmeistarar Liverpool, Barcelona og AC milan hafa öll dottið út í 16-liða úrslitunum árið eftir. Við verðum því að vera við öllu búnir til þess að sagan endurtaki sig ekki því við eigum fyrir höndum mjög erfitt verkefni.

Við þurfum að byrja af krafti gegn Stuttgart og halda boltanum vel því ef við missum boltann á viðkvæmum stöðum á vellinum þá geta Þjóðverjarnir gengið frá okkur með skyndisóknum," sagði Guardiola á blaðamannafundi í gær.