Pedro hjá Barcelona: Lionel Messi er betri en Diego Maradona

Pedro Rodriguez, liðsfélagi Lionel Messi hjá Barcelona, sparar ekki hrósið á Argentínumanninn eftir átta mörk hans á síðustu átta dögum. Pedro Rodriguez talaði um félaga sinn í viðtalið við spænska blaðið Marca.

„Fyrir mér þá er Messi betri en Maradona. Ég spila með honum og sé hann á hverjum degi. Hann er sá besti að mínu mati," sagði Pedro Rodriguez og bætti við:

„Maradona hefur verið kallaður besti leikmaður sögunnar en Messi er að mínu mati betri þótt að hann sé enn ungur að árum. Messi hefur þegar unnið marga titla og fengið margar viðurkenningar og hann er betri leikmaður," sagði Pedro við Marca.

„Við vonumst núna til að geta haldið áfram að gefa Messi það frjálsræði sem hann þarf til þess að halda áfram að spila sinn leik," sagði Pedro en Lionel Messi skoraði átta mörk á átta dögum og hefur alls skorað 11 mörk í síðustu fimm leikjum liðsins.