Mourinho: Zenga er ekki vinur minn á morgun

Jose Mourinho, þjálfari Inter, hefur tjáð Walter Zenga, þjálfara Palermo, að vinskapur þeirra fjúki út um gluggann á meðan liðin þeirra mætast á vellinum.

Mourinho hefur varað Zenga við því að það verði engar hlýjar móttökur, rauði dregilinn verði geymdur inn í skáp.

„Zenga er vinur minn en hann verður óvinur minn í 90 mínútur á morgun," sagði Mourinho en margir telja að Zenga muni taka við af honum hjá Inter.

„Mun hann taka við af mér? Ég tek ekki slíkar ákvarðanir en ég hefði gaman af því að sjá hann hér. Heimili hans er hér í Mílanó og hann mun vilja vinna leikinn."

Mourinho vildi líkt og venjulega ekkert gefa upp um það hverjir fái að spila á morgun.