Guardiola: Erum ekki komnir áfram

Pep Guardiola hefur varað leikmenn sína við því að þeir eru ekki enn komnir í undanúrslit Meistaradeildarinnar þrátt fyrir 4-0 sigur Barcelona á Bayern München í kvöld.

„Þessi úrslit setja okkur í góða stöðu en við eigum samt erfiðan leik fyrir höndum í München," sagði Guardiola.

„Þetta voru mjög góð úrslit og ég er ánægður. Ég veit ekki hvað Bayern ætlar að gera í næstu viku en við ætlum að fara til München til að vinna leikinn. Ég mun sannfæra mína leikmenn um mikilvægi leiksins."

Guardiola fékk rautt fyrir að mótmæla dómi Howard Webb dómara þegar hann gaf Lionel Messi gult fyrir leikaraskap í vítateig Bayern.

„Þetta var víti. Það var augljóst og dómarinn vissi það vel. Fjórði dómarinn bað mig um að róa mig niður en ég tapaði mér. Ég var mjög reiður."